Бу йил Ҳаж зиёратини амалга оширадиган ўзбекистонлик мусулмонларнинг сони 20% га камайтирилиши мумкин. Гап шундаки, 12uz.com интернет нашрининг ёзишича Қирғизистон дин ишлари бошқармасига Саудия Арабистонидан мактуб келган.
Унда Каъбада таъмирлаш ишлари олиб борилаётган, шунингдек Жидда ва Мадина аэропортлари кенгайтирилаётгани муносабати билан барча мамлакатлардан келувчи зиёратчиларни вақтинчалик 20%га қисқартириш ҳақида қарор қабул қилингани маълум қилинган.
Ўзбекистон делегацияси 27 март куни Ҳаж вазирлигининг Жидда шаҳридаги қароргоҳида Саудия Арабистони Подшоҳлигининг Ҳаж ишлари вазири Бандар бин Муҳаммад Ҳажжар билан ҳам учрашган ва томонлар 2013 йил ҳаж мавсумини тартибли ўтказиш бўйича шартнома баённомасини имзолашганди.