11 июл куни Суматра оролида жойлашган Индонезия қамоқхонасидан 150 га яқин маҳбуслар қочиб кетди.
Қочиш Медан шаҳридаги Шимолий Суматра провинциясида тартибсизликлар бошлангач юз берган. Қамоқхона бошлиқларининг маълум қилишларича, маҳбуслар қамоқхонага ўт қўйишган, баъзи махбуслар эса қуролланишга ҳам муваффақ бўлишган. Тасдиқланмаган маълумотларга қараганда, 15 га яқин мансабдор шахслар гаровга олинган.
Маҳбусларнинг намойишлари электртаъминот узиб қўйилганлиги сабаб бошланган бўлиши мумкин, бундай ҳолат қамоқхоналарда жуда кўп учраб туради, деб хабар беради хуқуқни ҳимоя қилиш ҳодимлари.
Қамоқхонада назоратни тиклаш, шунингдек қидирув ишларини амалга оширишда 700 нафар аскар ва полиция ҳодимлари иштирок этишмоқда.
 
|
