Ucell мобил оператори Бош директори Али Аган Хоразм ва Қорақалпоғистон Республикасига ташриф буюрди.
Ушбу сафардан мақсад ҳудудлардаги, шу жумладан Қорақалпоғистон Республикаси ва Хоразм вилоятидаги Ucell офислари фаолиятини холисона баҳолашдан иборат. Шу билан бирга, хизмат сафари дастурига биноан вилоятлар раҳбарлари, компаниянинг жойлардаги ходимлари ва дилерлари, шунингдек Ucellнинг корпоратив мижозлари билан яқиндан танишишлар.
Қорақалпоғистон Республикаси ва Хоразм вилояти раҳбарлари билан бўлиб ўтган учрашувлар натижасида, ҳудудларда Ucell телекоммуникация хизматларини янада такомиллаштиришга келишиб олинди. Компаниядан хабар беришларича аслида тармоқ хизматини такомиллаштириш борасида 2013 йилнинг биринчи чорагида Қорақалпоғистон Республикаси ва Хоразм вилоятларида қўшимча станциялар, тармоқ хизмат доираси кенгайтирилиб, янги хизмат турлари ва тарифлар тақдим этилган.
Сафар давомида Урганч ва Нукусда компания дилерлари билан конференция ташкил этилиб, унда ҳамкорликни ривожлантириш, узоқ қишлоқ ҳудудларида Ucell хизматини такомиллаштириш, шунингдек компания обрўсини янада ошириш масалалари муҳокама қилинди. Шунингдек, компаниянинг Қорақалпоғистон Республикаси ва Хоразмда фаолият олиб борган энг яхши дилерлари 2013 йил биринчи чораги якунига биноан рағбатлантириш совғалари билан тақдирландилар.
Сафар ниҳоясида, Ucell мобил операторининг Нукусдаги янги дилерлик офисининг очилиши тантанали равишда нишонланди. Бу офисда мижозлар Компания тармоғига уланишлари, ҳисобни тўлдиришлари, керакли хизмат турларини фаоллаштиришлари каби қатор қулайликлардан фойдаланиш билан бирга ҳудудда тадбиркорликнинг ривожлиниши йўлга қўйилади.
Сафар ниҳоясида, Ucell мобил операторининг Нукусдаги янги дилерлик офисининг очилиши тантанали равишда нишонланди. Бу офисда мижозлар Компания тармоғига уланишлари, ҳисобни тўлдиришлари, керакли хизмат турларини фаоллаштиришлари каби қатор қулайликлардан фойдаланиш билан бирга ҳудудда тадбиркорликнинг ривожлиниши йўлга қўйилади.