1 may kuni Toshkent shahrida "Ҳayot uchun!” xayriya forum-marafoni o`tkazildi. Ko`krak bezi saratoniga chalangan bemor ayollarni qo`llab-quvvatlashni istagan minglab kishilar poytaxt ko`chalari bo`ylab yugurdi.
Bu yil marafon Amerikaning Syuzen Komen nomidagi ko`krak saratoniga qarshi kurash fondi bilan hamkorlikda o`tkazildi.
Marafonning asosiy maqsadi saraton kasalliklarining oldini olish maqsadida o`zbek ayollariga har yili ko`krak bezlari diagnostikasidan o`tish zarurligini aytib berish, shuningdek ularga muntazam ravishda va bepul mammografik ko`rikdan o`tish imkoniyatini berishdan iborat.
Marafonda yig`ilgan barcha mablag`lar ko`krak bezi saratoniga qarshi kurash doirasidagi o`tkir muammolarni hal eitshga, xususan O`zbekistonning barcha hududlarida ayollar uchun bepul diagnostik aktsiyalar o`tkazishga va ushbu kasallikni davolash uchun zarur dori-darmonlarni xarid qilishga yo`naltiriladi.
Aktsiya tashabbuskori Gulnora Karimova o`z tvitterida yozishicha, marafonda 20 mingdan ziyod kishi, butun O`zbekiston bo`ylab esa 40 mingga yaqin kishi qatnashgan.