Shahzoda o'zining ingliz tilidagi albomi ustidagi ishlarni davom ettirmoqda. Shahzodaning bu albomni chiqarishdagi navbatdagi qadami "RDS Records" ovoz yozish studiyasi bilan hamkoriligi bo'ldi. Xonanda mazkur studiya bilan bir qancha qo'shiqlarni yozish va uni jahon miqyosida taqdim etish bo'yicha shartnoma imzoladi. 1 fevral kuni "RDS Records" ovoz yozish studiyasi "Flying Tonight" qo'shig'ini Rossiyaning barcha hududlarida taqdim etdi. Hozirda mazkur qo'shiq, Rossiyaning barcha yerida mavjud. Shuni alohida ta'kidlash lozimki, "RDS Records" ovoz yozish studiyasi Inna, Alexandra Stan, Benny Benassi, Tom Boxter kabi jahon yulduzlari bilan faoliyat yuritadi.