Yoshlarning sevimli xonandasi Sardor Rahimxonning ushbu fotosuratini ko'rib, hayron qolishingiz turgan gap. Biz hali biror marotaba ham Sardor Rahimxonni bunday ko'rmagan edik. Unga nima bo'ldi? Nega bu ahvolga tushdi?  Albatta, har bir ijodkor o'zining ijodiy faoliyati davomida turli holatlarga tushishiga to'g'ri keladi. Ammo, Sardorning bugungidek holatiga har kim ham tushishga rozi bo'lavermaydi. Xullas, gapni lo'ndasini aytadigan bo'lsak, Sardor Rahimxonning "Mohitabonim" klipi nafaqat sevimli xonandamizni, balki Respublikamiz Xalq artisti Ubaydulla Omonni ham shu kabi holatga tushishga majbur qildi. Klip haqida to'liq ma'lumotni hozircha bila olmadik. Ammo, shunisi ma'lumki klipda Sardor Rahimxonning qarigan paytini Ubaydulla Omon talqin etmoqda. Klip rejissori 2011 yilda "Nima uchun" klipini suratga olib, yilning eng yaxshi klipmeykeri nomiga sazovor bo'lgan Narimon Sultonxo'jaev hisoblanadi. Tez kunda klipni ham e'tiboringizga tortiq etamiz.