Samsung компанияси "CES 2013” кўргазмасида органик диодлардан иборат қайрилган дисплейли смартфон прототипини намойиш этди.

 Суратга қараб айтиш мумкинки, экраннинг қайрилган қисмида огоҳлантирувчи мълумотлар, иловалар тугмачалари: телефон рақамлари, SMS ва S-Note қайдномасида жойлаштирилган. Samsung ҳозирча янги аппаратга оид тўлиқ характеристикани ошкор қилмаяпти. Лекин бир наса ангиқки, экран диагонали тахминан 5 дюйм бўлади.

Телефонни ушлаб кўрганларнинг гапига қараганда унинг ишлаш тезлиги жуда юқори, зеро аппаратда ички камера, уяли модул ва тўлиқ операцион тизим йўқ, у кўпроқ "сурат рамкаси"га ўхшаб кетади.

Ушбу янги техника Youm деб номланди. Компаниядан таъкидлашларича, у планшет вазифасини ҳам бажара олади. Экрани икки қисмга ажраладиган аппарат эхтиёжга кўра яна смартфонга айланиши мумкин.

Samsung мана бир неча йилдирки, эгилувчан экран устида изланиш олиб бормоқда. Ана шундай аналог лойиҳаларни Nokia ва LG ҳам намойиш этган бироқ шу пайтгача биронта  компания бу турдаги маҳсулотнинг ишлаб чиқарилишини йўлга қўя олмаган.

манба: darakchi.uz