Ayollarning hiylasi,
Yetmishta tuyaga yuk.
Ammo jilmayib qo'ysa,
Bosh egar har bir buyuk.
+++++++
Ona alla aytadi,
Aql kirar bolaga.
Keyin aqlsiz kabi,
Yuguradi dalaga.
+++++++
Xunuk ayol topilmaydi hech jahonda,
Ayollarning latofati so'zi bilan.
Izlasangiz ertakdagi Shirinlarni,
Avvalambor qarang Farhod ko'zi bilan.
+++++++
Qizlar modalarni bekorga kiymas,
Yoki yuz bo'yashdan o'zlarin tiymas.
Ularni ayblab ko'rsatgan kuchin,
O'ylasin, hammasi axir biz uchun.
++++++++
Qizlar rumolingizni,
Mayli deyman yechsangiz.
Ammo kechirolmasman,
Or-nomusdan kechsangiz.
+++++++
Yolg'iz ayol uyiga,
O'tganda oshib devor.
Unutmagin uyingda,
Yolg'iz yoring, qizing bor.
Sherlar muallifi ; Ilhom Fayzullayev