Polaroid компанияси кичик ёшдаги болаларга мўлжалланган Android 4.0 базасида 7-дюймли планшет чиқарди.
Ушбу планшетнинг катталар учун мўлжалланган версиясидан фарқи унинг ҳимоя қатлами (ён томонлардан резина бамперлар билан қопланган.), "ота-оналар назорати" воситаси (бу болани исталмаган контент ва тармоқлардан ҳимоя қилишга кўмаклашади) ва кенг танловли болалар иловаларидан ташкил топганлигидадир.
Планшетга ўрнатилган дастурларга фотомуҳарир, "мусиқий студия", болалар видеосини томоша қилиш учун илова, расм чизиш учун ва ўнта интеррактив китоблардан ташкил топган иловалар ўрнатилган.
Экран каттали 800х480 пикселни ташкил қилади. Мосламада Cortex A8 гигагерцли процессори қўлланилган. Планшетда 512 мегабайт оператив ва саккиз гигабайт ички ҳотира, 2-мегапикселли камера, SD-карта учун слот, Wi-Fiмодуль ва USB тирқиши мавжуд. Планшет ҳозирда сотувга чиққан. Интернет-магазин ва Polaroid сайтида унинг баҳоси 149,99 АҚШ долларини ташкил қилади.
manba:darakchi.uz