Монакода 10 июнда 51 марта бўлиб ўтган Халқаро Монте Карло кинофестивалида бир гуруҳ киночилар мукофотланди. Бош ролларни Мурод Йилдирим ва Туба Буюкустун ўйнаган, Жевдат Мержан режиссёрлик қилган ва Нилгун Ўнеш сценарийсини ёзган "Осиё” сериали "мелодрама” номинациясида мукофотга номзод қилиб кўрсатилди. 67 та давлатда намойиш қилиниб, 3 миллиард томошабин кўрган ва 15 та сериал орасидан танлаб олинган "Осиё” сериали актёрлари, режиссёр, сценарийнавис ва продюсер Илгаз Гиритўғли мукофот топшириш маросимига бирга боришди. "Энг яхши мелодрама” номинациясида мукофот "The Bold and Beautiful” ("Дадил ва гўзал”) сериалига насиб қилди. "Телефильмнинг энг яхши актрисаси” номинациясидаги мукофотни эса Мурод Йилдирим ва Туба Буюкустун бирга тақдим этишди. Гарчи "Осиё” мукофотланмаган бўлса-да, сериал актёрлари мукофот топширишди. Шунга қарамай, "Осиё” турк сериаллари орасида хорижда муваффақиятли намойиш қилинган сериаллардан бири бўлди. 

"Осиё” мухлислари: "Биз учун муҳими уларнинг мукофот олиши эмас, балки шундай катта тадбирда қатнашишларидир”, дейишди ва сериални суратга олиш ишлари тугаганидан сўнг икки йил ўтгач, Мурод Йилдирим ва Туба Буюкустунни бир жойда кўришдан бахтиёр эканликларини билдиришди.