Айни пайтда, Interpol веб-сайтининг қидирувдагиларга оид саҳифасидан ҳозирча Беҳзод Аҳмедовнинг исми олиб ташланмаган.
Ўзбекистон Бош прокуратураси 28 июн куни баёнот эълон қилиб, Россияга қарашли МТС ширкатининг Ўзбекистондаги шўъбасини молиявий жиноятларда айблаган эди. Айни баёнотда МТС ширкати мазкур иш бўйича халқаро қидирувда бўлган асосий гумонланувчи Беҳзод Аҳмедовни яшираётганликда ҳам айбланган эди.
Ўзбекистон Бош прокуратураси баённомасида айтилишича, "Мавжуд маълумотларга кўра, Аҳмедов терговдан яшириниб, Ереван шаҳрига қочган. Бу ерда у "МТС” вице-президенти Распопов билан учрашган ва улар яширин тарзда Москвага учиб келганлар”.
"Ўздунробита” алоқаси Ўзбекистоннинг 94 фоиз ҳудудини қамраб олади ва 9 миллиондан зиёд абонентга эгадир.
