"Ҳаёт учун!” эстрада ва кино санъатининг бир гуруҳ машҳурлари катта майдонда тўп суришди. Бунақаси ҳали биринчи маротаба. Шукрулло Исроиловнинг дарбозабон бўлганига нима дейсиз? Жаҳон футбол майдонларидан ҳеч аримайдиган дунёнинг энг кучли ҳаками Равшан Эрматов бу гал ўзимизнинг "ЖАР”да ҳам ўз вазифасини адо этди! Киноюлдузлар жамоаси ўйинда ғолиб бўлди. Бироқ, бу бир шоу эди. Омма учун байрамона кайфият улашиш эса асосий мақсад. Тадбир ташкилотчилари бу ишни росманасига уддалади. Минглаб томошабинлар футбол баробарида машҳур юлдузларнинг куй-қўшиқларидан ҳам баҳраманд бўлишди. Муҳими, эзгулик ўлмасин, шундай хайрли амаллар кўп бўлсин! Иштирокчилар эса кўкрак саратонига чалинган аёлларга озми-кўпми ёрдами текканидан боши етганини журналистларга бот-бот гапиришди.