Ҳарвард университети талабалари янги тўп ихтиро қилишди. Soccket номи берилган ушбу тўп ҳар тепилганида кучни электр токига айлантиради.

Футбол дунёнинг исталган жойида ўйналиши туфайли бу кашфиёт оммалашиши кутилмоқда. Унинг устига электр токидан бенасиб жойлар ушбу кашфиёт туфайли электр токи билан таъминланиши мумкин. Тажрибада тўпни 30 дақиқа ўйнашди. Бу вақт ичида у бир чироқнинг 3 соат ёниб туришига етадиган электр энергияси етказиб берди. Soccket ни ҳар тепганда ичидаги магнитлар титрай бошлайди. Бу титраш ичидаги моторини ишлатади ва у электр энергияси ишлаб чиқара бошлайди. У сув ўтказмайди, жуда мустаҳкам, ҳатто шишириш ҳам шарт эмас.