Bir kuni Arslon qirda aylanib yurgan ekan, qandaydir ovoz eshitilibdi. Biroz to‘xtab: "Bu nima ekan. Ovozidan juda ham vahshiy hayvonga o‘xshaydi. Chetroqda kuzatib turay-chi, qani, nima ekan? Agar mendan kuchli jonzot bo‘lsa, jonimni xavfga qo‘ymay”,-debdi.
Panadan ovoz chiqqan tarafni kuzata boshlabdi. Qarasa, shuncha shovqinning egasi qurbaqa ekan.
Arslon: " Vo‘y-bo‘, shuncha shovqin kichkinagina hayvonchadan chiqayotgan ekan-ku. Shovqini dunyoni oladi. Ovozingni eshitib, odamlar ham qo’rqib ketsa kerak. Yaxshisi, seni gumdon qilib qo’ya qolaman”-debdi-yu, qurbaqani ezib o’ldiribdi.
Faqat tilining kuchiga, baqir-chaqiriga ishongan odam bir kun "Qo’rqitdim” deb o‘ylagan kuch tomonidan mag’lub etiladi.
Mahmudjon YUSUFJANOV tarjimasi