Савдо ва хизмат кўрсатиш корхона раҳбарлари ўз объектларида UZKART банклараро тўлов тизими шартли белгисини ўрнатиб қўйишлари мажбурий деб белгиланди.
Марказий банк ва Давлат солиқ қўмитаси бошқармалари томонидан қабул қилинган аҳоли билан ҳисоб китобларни амалга оширишда тўлов терминалларини ишлатиш ва ўрнатилишига оид Қарор Низомига ўзгартириш ва қўшимчалар киритилди. Қарор 8 апрелдан эътиборан кучга кирди.
Norma.uz хабар беришича, савдо ва хизмат кўрсатиш корхоналари раҳбарларига ўз объектларида UZKART банклараро тўлов тизиминининг шартли белгисини ўрнатиш мажбурияти юкланди.
Фаолиятни тўхтатган тақдирда эса раҳбарлар бир иш кунидан кечга қолмаган ҳолда тўлов терминали хизмат кўрсатган банкка мурожаат қилишлари ва уни пластик карта тизимидан чиқариб ташлашлари зарурий ҳисобланади. Банк эса бир иш кун давомида терминалдаги пулларни инкассациядан ўтказиши ҳамда мижознинг асосий ҳисоб рақамига ўтказиб бериши керак бўлади.
Савдо ва хизмат кўрсатиш объектлари фаолиятни тўхтатган тақдирларида тўлов терминалларини бошқа хўжалик субъектларига ўзбошимча ўтказиб беришлари тақиқланади.