Риа Новостининг хабар беришича, Ўзбекистонда ишлаб чиқарилган енгил автомобилларнинг миллий валютада сотилиши хорижий валюталарнинг "қора бозор”даги нарҳи тушиб кетишига сабаб бўлган.
Агентликнинг хабар беришича GM-Ўзбекистон қўшма корхонасида ишлаб чиқарилаётган автомобиллар сўмда сотила бошланган ва шу туфайли фуқаролар чет эл валютаси билан олди-сотти қилиш мажбуриятидан халос бўлишган. Бу эса валюта "қора бозор”ида АҚШ долларининг қиймати пасайишига олиб келган. Риа Новостининг хабар беришича, сўнгги пайтларда 1 доллар - 2860-2870 сўмга баҳоланган бўлса, ҳозирда унинг қиймати 2650-2670 сўмгача тушган. Ўзбекистон Республикаси Марказий банки томонидан белгиланган қиймат бўйича 1 АҚШ доллари (22.08.2012) 1917,17 сўмни ташкил қилмоқда.
