Yuzi kulib tursada, ko'ngli yig'laydi. Biroq, nima uchun? Aynan Davron Ergashevning ko'ngli yig'lashi barchani hayratga solishi tabiiy. Zero, uni biz "Zakonniy" xonanda deb bilar edik. Nahotki, Davron Ergashev tushkunlikka tushib qolgan bo'lsa. "Ko'nglim yig'lar" nomli taronani ijro etgan Davron Ergashev mana shu kabi savollarga duch kelishini kutmagan bo'lsa kerak. Ammo, bu kabi savollarni berishni biz boshlab berdik. Umid qilamizki, bu shunchaki navbatdagi oddiy mahzun tarona bo'lib qoladi. Shu bilan bir qatorda Davron Ergashev Ibrohim Jiyanov so'zi va Shuhrat Zokirov musiqasi bilan "Bilaman" nomli taronani ham kuyladi. Ayni damda mazkur qo'shiqqa klip ham tasvirga tushirilmoqda. Darvoqe, Davron Ergashev yaqindagina Malayziyada hizmat safarida bo'lib, u yerdagi muxlislar uchun kichik bir konsert dasturini ham taqdim etib qaytdi.