Бугун Швейцариянинг Цюрих шаҳрида "Олтин тўп" совринини топшириш маросими бўлиб ўтади.

Тошкент вақти билан соат 23.00да бошланадиган маросимда яна қатор номинациялар бўйича ғолиблар номи аниқланади.

        Қолаверса, қатор бошқа масалалар ҳам кўриб чиқилади. Унда иштирок этиш учун Ўзбекистон Футбол Федерацияси Президенти Мираброр Усмонов ҳам Швейцарияга жўнаб кетган. Айрим манбааларнинг тарқатган хабарларига кўра, М.Усмонов ушбу маросимдан қуруқ қўл билан қайтмайди. Биласиз, ФИФАнинг "Фейр плей" (ҳалол ўйин) номинациясида айнан ЎФФнинг номзоди ҳам қўйилган. Бундан ташқари ўтган йили юртимизга ташриф буюрган ФИФА президенти Зепп Блатер Ўзбекистондаги футбол учун яратилган шароитлар ва стадионлар билан танишиб, мамлакатимиз халқаро мусобақаларни ўтказишга тайёр экани ва яқин орада ФИФА байроғи остида бирон халқаро турнирни ўтказиш айнан Ўзбекистонга топширилишига ваъда берганди. Хуллас, бугун ана совғалардан бири бизники бўлса ажаб эмас.

        Табиийки, ушбу маросимнинг энг асосий тадбири бу "Олтин тўп"нинг кимга топширилиши билан боғлиқ. Ушбу мукофот бугунги куннинг энг яхши футболчилари давогарлик қилишмоқда. Эътиборли томони уларнинг бари ҳозирда Испания чемпионатида тўп тепишади - Барселона аъзолари Леонел Месси ва Андреас Иньеста ва Реал Мадрид етакчиси Криштиану Роналду. 

Ана шу саволга бугун соат 23:00дан бошлаб "Спорт" телеканали орқали жонли эфирга узатиладаган трансляция орқали жавоб олишимиз мумкин бўлади. manba: uff.uz