Ozarbayjon poytaxtida tez rivojlanayotgan istiqbolli bozorlar uchun maxsus ishlab chiqilgan Chevrolet Cobalt yangi kompakt sedanining taqdimoti o‘tkazildi.
"O‘zavtosanoat” AK raisining o‘rinbosari Tohir Jalilov Ozarbayjonda Chevrolet Cobalt avtomobilining bo‘lishi ikki xalqni yanada yaqinlashtirishiga ishonch bildirdi. Uning qayd etishicha, konseptual jihatdan yangi Cobalt avtomobili o‘z segmentida jahon etaloniga aylanish va tez rivojlanayotgan bozorlarda sotuvlarining hajmi bo‘yicha yetakchilikni qo‘lga kiritish uchun yaratilgan. Ajoyib dizayni, zamonaviy xavfsizlik tizimi va dinamik xarakteristikalariga ko‘ra Cobalt avtomobil ixlosmandlarining barcha umidlarini oqlaydi.
Chevrolet Cobalt avtomobili O‘zbekistondagi Asaka zavodida to‘liq
sikl (qoliplash, kavsharlash, bo‘yash va yig‘ish) bo‘yicha yig‘iladi. Avtomobil O‘zbekistonda ishlab chiqarilgan
(General Motors Powertrain Uzbekistan) dvigatellar bilan jihozlangan. Xususan, so‘z
quvvati 105 ot kuchini tashkil etuvchi, 100 km ga o‘rtacha benzin sarfi 6,2
litr bo‘lgan yangi bir yarim litrlik DOHC dvigateli haqida bormoqda.
Bokuda
mashinalar GM MDH kompaniyasining Ozarbayjondagi rasmiy dileri hisoblangan
Performance center kompaniyasi tomonidan sotiladi, deya xabar beradi "O‘zavtosanoat" matbuot
xizmati.