Мана ўша – «икс» соати ҳам етиб келди! Ваниҳоят у қўнғироқ қилиб учрашишни таклиф қилди. Унгача эса неча-неча дақиқалару ва неча-неча соатлар бу жимжид телефон воситаси устида ўтиб кетди … Энди ҳақиқатдан ҳам каллани ишга соладиган пайт келди: балиқ қалмоқда, қуш эса қафасда, капалак эса тўрда. Шунинг учун сизларга - аёлларга айнан шу биринчи учрашувда қўллашингизга тўғри келадиган бир неча бебаҳо тавсияларимни ҳавола этаман.
Биринчиси. Қандай кийиниш керак? Миллион-миллион аёллар бу масала устидан тўҳтамасдан бошларини қотиришади, бу нарса жуда ҳам жиддий масала. Шунинг учун майда-чуйдаларга эътибор берманг. Агарда у сизни ҳаттоки оддийгина бир музқаймоқ егани таклиф этса ҳам, эксклюзив фасонга ёпишинг, чунки сиз маркани ушлаб қолишингиз керак. Макияж – кечки, ҳамда ташланиб ўзига жалб этувчи, прическа эса – монумент сингари бўлиши шарт. Узунроқ каблукли туфли кийиш эсдан чиқмасин – чунки сиз у каблукда оёғингизни олдинга ярим эгилиб туришингиз лозим, бу аёлларни мода-лерка каби фигурасини намоён этиб туради.
Иккинчиси. Учрашувга камида 40 (қирқ) дақиқага кеч қолинг. Чунки биринчи учрашувга вақтида келиш бу ярашмайди. Ҳансираб-ҳансираб унга шуни айтингки, йўлда колготкангизни йиртиб олганингизни, автобусда ёки маршруткада бирон-бир ялмоғиз аёл билан нуқишиб кетганингиз сабабли кеч қолганингизни маълум қилинг. У учун учрашувга қандай машаққатларни бошингиздан ўтказиб келганингизни айтинг - билсин. Учинчиси. Аслида учрашув кафеларда бўлиши керак? Дарҳол унга сизни қанақанги жойга олиб келиб ўтқизиб қўйганини юзига айтинг. Чунки у сиздек ҳонимни нозик таъмлигини билиши керак. Айнан шу мавзуни давом эттирган ҳолда уни қўллаб-қувватлаш учун ёндаги столдаги ёки нарироқда ўтирган бирон бир жуфтлик "пара"ни кийган кийми тўғрисида умуман кўриниш аҳволини критика қилиб беринг. Яна, ейиш яъни овқатланиш асло мумкин эмас, сизни танлаганингиз – газсиз миниралка бўлиши шарт. Бир-бир сувни шимиб-шимиб шаҳзодангизга диетадалигингизни эслатиб ўтинг. Чунки бундай мавзудаги гаплар эркакларга қувонч бағишлайди.
Тўртинчиси. Имконият борича ўзингиз ҳақингизда кўпроқ гапиришга ҳаракат қилинг. Чунки у эркак сиз ҳақингизда ҳамма нарсани билиши керак, сабаби у сиз билан қолган умрини ўтказади. Тавсифнома тугагач, қандай касалликларга тез-тез чалиниб туришингизни айтиб ўтинг. Чунки бу мавзуда ҳамма айтган гапларингиз унда таъсурот қолдириши керак, албатта бу нарсалар унга жуда ҳам қизиқарли туюлади.
Бешинчиси. Гап орасида бир тўҳтаб кўзига тик қаранг, ҳамда жиддийларча айтинг: «Келинг, сиз ҳам ўзингиз ҳақингизда гапиринг». Бу пайт суҳбатдошингиз тили айланиб-айланмай қолган пайтда, сиз беъмалол тирноқларингизни пардозига эътибор беришингиз ёки эснашингиз лозим. Шукуроналар бўлсинки - суҳбатлашаётган ёқимли шаҳзода умуман олиб айтганда сиз томонга оғиб таъминланиб бўлган.
Олтинчиси. Бу мавзу устида алоҳида тўҳтаб ўтиш керак «Олдинги ёрингиз» ҳақида!!! Сизни яқин олиб ҳаётингизни тўла ўрганиш учун ўтмишдаги севишган ёрларингизни бирма-бир бошдан оҳиригача айтиб ўтишингиз керак. Фақат буни устида жиддийлашманг, айнан улар билан энг қизиқарли сўнмас дақиқаларни кўпроқ гапириб ўтинг. Қора дилсиёҳликга қарши – эркак ҳаммасини билиши керак, бу учрашувга етиб келгунча яъни уни йигитни топгунча ҳаётда қандай машаққатларни бошингиздан кечирганларингизни намоён этишингиз керак. Шулардан кейин, унга бир нарсани билдириб ҳам қўйинг - суҳбатдошингиз тушинсин, ҳамда у ҳам ўзини ўтмишларини очиқ-ойдин айтиб бериши кераклигини айтинг.
Сизларни учрашувингиз ҳали давом этяптими? Агарда маълум бир сабабларга кўра суҳбатдошингизнинг капалаги тўрдан чиқиб кетса, яъни уни қандайдир маълум бир сабабларга кўра иши чиқиб қолса, ёки уни ишга чақириб қолишса, балки у офисда компьютерини ўчириш эсидан чиқиб қолган бўлса - бу сизга қизиқ туюлиши мумкин, шунда "Эндшпиль" услубига ўтамиз.
Еттинчиси. Ундан сўранг: «Биз яна қачон учрашамиз?» Кейин: «Биз яна учрашамизми?» Бироз вақтдан кейин: «Қачон менга қўнғироқ қиласиз?» Умуман, бундай саволларни иложи борича аввалроқ бериш лозим, ҳамда уларни тез-тез бериш даркор бўлади. Яна... уни кейинги телефон рақамларини сўраб билиб олиш ҳам мақсадга мувофиқ бўлади.
Энди уйдасиз, ҳар кунги юмшоқ жойингизда оғанаб ётибсиз, шу пайтда суҳбатдошингизга юқоридаги кўрсатилган саволлар билан смслар юборишингиз керак бўлади. (Шу аснога миллатимизнинг ҳалқ мақоли мавжуд, айнан шундай телефон орқали ёзишмалардан кейин эркакларни сим-карталари йўқолиб қолади ёки мўжиза рўй бериб блокировка бўлиб қолади. Лекин биз бундай мистикаларга ишонмаймиз тўғрими?)
Энди, ҳаммасига якун, биринчи учрашув олдидан сизга нимани айтмоқчи бўлдим, ишончингиз комил бўлсин, агарда, сиз мени берган тавсияларимни ҳаттоки қандайдир бир қисимини бўлса ҳам бажарсангиз, у сизга бошқа ҳеч қачон қўнғироқ қилмайди.
