Xabaringiz bor, O‘zbekistonda
xizmat ko‘rsatgan artist Sardor Rahimxon, latofatli Dilso‘z, "Bayon” hamda Ja’farlarning
3-4-5 aprel kunlari vodiy bo‘ylab gastrol konsertlari bo‘lib o‘tdi. Bizni quvontirgani,
barcha konsertlar kutilgandan-da qaynoq harorat, yuqori kayfiyat, anshlag
xamda o‘ta samimiy ruhda kechdi. Ayniqsa, Dilso‘zning "Begim”i vodiyda chinakam
megaxitga aylangani barchani ijodkorlarni hayratlantirdi. Qolaversa, Sardor Rahimxonning
qo‘shni respublikalar bilan chegaralarimizda xizmat qilayotgan fidoiy chegarachilarimizga
atalgan uchrashuvi ham nur ustiga a’lo nur bo‘ldi. Gastrol taassurotlari haqida
hali yana ancha gapirish mumkin. Ushbu konsert lahzalari muhrlangan fotoreportaj
yuqorida aytgan gaplarimizga isbot bo‘la oladi. Imkoniyatdan foydalanib, Sardor
Rahimxon, Dilso‘z, "Bayon” hamda Ja’farlar mana shunday qaynoq mehr-muhabbat bilan
kutib olgan butun vodiy ahliga cheksiz minnatdorchilik izhor etishadi.