Пойтахтимиздаги Миллий санъат марказида қўл ишлари ярмаркаси бўлиб ўтди.
Унда саксондан зиёд декоратив-амалий санъат усталари ўзлари яратган ажойиб ва ўзига хос ҳунармандлик буюмлари намуналарини намойиш этдилар.
Ярмаркага ташриф буюрганлар замонавий декоратив-амалий санъатнинг турли
йўналишларида яратилган санъат асарлари, жумладан, кулолчилик буюмлари,
гиламлар, миллий дизайндаги либослар, рўмоллар ва матолар, тўқилган буюмлар,
фарфор ишланмалари, нақшинкор қутичалар, заргарлик буюмлари, бисер безаклари
каби турли ҳунармандлик намуналарини томоша қилиш ва хирид қилиш имкониятига
эга бўлдилар.
Йилда икки маротаба – баҳор ва куз мавсумларида ўтказиладиган анаъанавий
«Bazar-Art» кўргазма-ярмаркаси доирасида бўлиб ўтадиган мазкур тадбирда намойиш
этилган ҳар бир ҳунармандлик буюми ўзига хос дид билан меҳр ила тайёрлангани
боис барчага бирдек манзур бўлади.