"Yevroset" do‘koni Ginnesning rekordlar kitobiga kiritilgan telefonlar sotuvini yo‘lga qo‘ydi. Gresso Extreme X3 va X5 telefonlari o‘ta mustahkamligi va suv ostida ham ishlay olishi bilan rekordlar kitobiga kiritilgan. Bu telefonlar ekstremal holatlarda ishlovchilar uchun mo‘ljallangan. Gresso Extreme X3 telefoni 24 soat davomida suv ostida ishlay olishidan tashqari, 1 tonna yuk og‘irligini ko‘tara oladi hamda 7 metr balandlikdan betonga tashlab yuborilganda ham hech narsa qilmaydi. Gresso Extreme X5 esa 2 tonnalik yuk bosimiga bardosh bera oladi. Uning korpusi o‘ta mustahkam plastmassadan yasalgan.
Adobe Systems mashhur Photoshop uchun yangi imkoniyat yaratdi. Endi ushbu dastur yordamida suvalib ketgan rasmlarni sanoqli soniyalarda sozlash mumkin. Ushbu Image Deblurring funksiyasi Los-Anjelesda tashkil etilgan Adobe MAX 2011 anjumanida namoyish etildi.
Yevropa Komissiyasi Microsoftning Skypeni sotib olganligini tasdiqladi. Eslatib o‘tamiz, shu yilning may oyida Skype 8,5 mlrd. dollar evaziga sotilgani haqida xabarlar tarqalgandi.
Yaponiyaning Sony kompaniyasi butun dunyo bo‘ylab 1,6 mln. dona Bravia LCD-televizorlarini qaytarib olishini e'lon qildi. Buning sababi — ushbu televizorlarda tutun va kuyish hidlari chiqish hollari kuzatilgan.
Pocketnow sayti Nokianing yangi smartfoni rasmini internetda e'lon qilib yubordi. Telefon Nokia World tadbirida taqdim qilinishi rejalashtirilgandi.