20 ёшли Алекс Равлингс Англияда ўтказилган "Энг кўп тилда гапира оладиган талаба" танловида ғолиб чиқди. Алекс 11 тилда мукаммал шаклда гаплаша олади.
Оксфорд университетида ўқийдиган Аклес инглиз, юнон, рус, немис, фелеменк, ибрани, каталон, испан ва итальян тилларини билади. Танловда 16 ёшдан 22 ёшгача бўлган талабалар иштирок этишди ва Алекс биринчи ўринни қўлга киритди.
"Онамнинг келиб чиқиши юнон, у болалигимда мен билан инглиз, француз ва юнон тилларида гаплашарди. Оксфордда немис ва рус тилларидан сабоқ олмоқдаман. Бу йил Москвадан 800 километр узоқликдаги Ярослав номли қишлоқда яшамоқчиман. Отам 4 йил Японияда ишлаган. Бошқа тилда гаплашувчи болалар билан гаплаша олмаслик мени жуда ранжитарди. 14 ёшлигимда оилам билан Голландияга кетдик. У ерда тил борасида анча манбалар ўқидим. Тажрибамдан келиб чиқиб айтаманки, бир тилни китоб орқали ўрганишга қараганда эшитиб ўрганиш осонроқ. Мисол учун бир қўшиқ орқали ҳам тилни ўрганиш мумкин. Испан ва грек тиллари бир-бирига жуда яқин. Энг охирги ўрганган тилим рус тили. Бу тилни бир ярим йилда ўзлаштирдим. Эндиги режам араб тилини ўрганиш" дейди Алекс.