5 июль куни Ўзбекистон Президенти Ислом Каримов "Иш ҳақи, пенсиялар, стипендиялар ва ижтимоий нафақалар миқдорини ошириш тўғрисида”ги Фармонни имзолади.
2012 йилнинг 1 августидан бюджет ташкилотлари ва муассасаларида ишловчи ходимларнинг иш ҳақи, пенсиялар ва ижтимоий нафақалар, стипендиялар миқдори ўртача 1,15 бараварга ошади.
Хусусан, 1 августдан Ўзбекистон Республикаси ҳудудида тўловларнинг қуйидаги энг кам миқдори белгиланади:
иш ҳақи – ойига 72 355 сўм;
ёш бўйича пенсия – ойига 141 520 сўм
болаликдан ногиронларга бериладиган нафақа – ойига 141 520 сўм;
зарур иш стажига эга бўлмаган кекса ва ишга лаёқатсиз фуқароларга бериладиган нафақалар - ойига 86 835 сўм.
Иш ҳақига қўшимча тўловларнинг барча турлари, оналарга болани парвариш қилиш учун у икки ёшга тўлгунча бериладиган нафақалар, болали оилаларга бериладиган нафақалар, энг кам иш ҳақига нисбатан белгиланадиган компенсация ва бошқа тўловлари 2012 йилнинг 1 августидан бошлаб, мазкур Фармонда белгиланган энг кам иш ҳақига қараб амалга оширилади.