Янги қоидалар жорий этилганига 1 йил тўлди.
Маълумки, 2012 йилнинг 1 январидан кучга кирган талабларга
кўра, йўналишсиз такси ягона таниш белгиларига эга бўлди.
Хусусан, мамлакатимизнинг барча ҳудудларида такси сариқ рангда, пойтахтимизда
эса фил суяги рангида бўлиши белгиланди. Автомашиналарнинг томига халқаро
стандартларга мувофиқ, "TАXI” ёзувли тўқ сариқ рангли фонарлар ўрнатилган.
Таксилариа махсус серияли давлат рақамлари берилган. Машиналарнинг салонида
ҳайдовчи ва ташувчи компания ҳақидаги маълумотлар битилган лавҳалар бор.
Таксиларни жиҳозлаш ва безашда ҳам қатор янгиликлар киритилган, ҳайдовчиларга
нисбатан янги талаблар белгиланган.
Бугунги кунда қабул қилинган чоралар натижасида талабларга мос равишда
жиҳозланган таксиларнинг сони 15 мингтага етган ва бу кўрсаткич кун сайин ортиб
бормоқда. Бу ҳақда Ўзбекистон автомобиль ва дарё транспорти агентлиги
матубот анжумани чоғида мълум қилинди. Қўшимча қулайликлар яратиш мақсадида
мамлакатимизда автоташувчилар учун 237 та махсус тўхташ жойлари барпо этилган.
Уларнинг аҳоли гавжум жойларида жойлашгани йўловчилар учун ҳам қулайдир, улар
такси излаб, ортиқча овора бўлмайди.
